愛夢娜

香港人認真奇怪，對於合合特別喜歡，你睇香港人一年四季都打邊爐就知。依家天氣終於開始轉涼，歎火鍋食煲仔菜就變得大條道理。我明白，人總係貪心，得一想二，得寸進尺，得煲仔菜又想打邊爐，得！冇問題，食完雞煲再食火鍋，又如何？！

查詢電話：2528 1060

3款辣煲　先吃後涮

廣 告
無論任何事都好，我相信貴精不貴多道理。原創於上海的「重慶雞公煲」就憑獨沽一味雞公煲，於短短4年間迅速竄紅內地並開設超過150間分店。雞公煲先吃後涮的特色在香港比較少見，客人選定煲仔菜之後，食完隨即加入麻辣湯底或清湯湯底，再從量販式凍櫃揀選心愛火鍋材料，就可以開始烚烚喇！「重慶雞公煲」來到香港，店內選擇還是不多，只有雞公煲、香辣蝦和牛魔王3款辣辣煲仔菜，但依然能站穩陣腳，極受歡迎。

四川秘製混醬

重慶雞公煲係小店的鎮店之寶，對雞隻非常有要求，只用內地的走地雞，牠們全是重一斤八、約1個月大的雞公，體形偏瘦沒有肥膏，但肉質鮮嫩鬆化。令雞公煲煲到街知巷聞的原因正在於來自四川的秘製混醬，行政總廚Jeffrey表示：「我用係口齒留香醬，面有咩？哈哈……普通的有花椒八角……，其實用超過100種香料，特別在於中、西醬都有，比起四川流傳秘製麻辣土方仲要出色！」就係因為呢款混醬，先可以令「重慶雞公煲」只賣3款煲都企得住，問你服未？！

牛魔王

唔係Prime Rib、唔係澳洲和牛，只係本地街市買到的牛肉，選用牛腩和牛坑腩部分切粒，加些少藥材炆3~4個鐘，仲有潮州式手打牛丸和牛筋丸，可以補足特色唔夠的缺點。

麻辣度：★★★

香辣蝦

店內最新設計的煲仔菜，足磅半份量的蝦非常脆身入味，墊底的薯條和青瓜索盡蝦和秘製醬汁，一絕！煲仔菜入面竟然有薯條，你話新奇唔新奇？

麻辣度：★★★★