"班班"係我好朋友波波嘅心愛狗狗 ，但係最近發生左D不幸事件......唉~~咁就一世喇~~~!!
以下係波波對今次事件嘅憶述.....好慘呢~~
無良高檔寵物美容店 ~ 犬X房 Dogrxxm
本人於2007年12月20日12時帶小狗(摩天使)往九龍旺角XX道犬X房沖涼及剪毛(收費$330HK). 直到當日下午5時返回上址取回小狗時一名上址職員表示係剪毛時剪到狗仔條脷, 本人十分緊張, 便查問剪到什麼地方, 職員就求其嘗試撐開小狗個口, 但可能小狗傷口太痛所以不願張開口. 之後我問佢地點處理, 好容易會受細菌感染. 跟住有另一名大肚職員話 :{係呀, 所以你地要留意佢, 不過狗d口水有消毒作用, 好快好返} 仲好話因為剪毛時隻狗郁所以剪到啫 ! 仲想推卸責任到隻狗身上. (請問有邊隻狗唔郁, 除非係死狗啦 !), 我當時聽佢地說話輕鬆, 又話無事, 我就以為只係少少擦傷, 於是俾錢離開. 事後返回家中詳細檢查小狗傷口, 發現小狗條脷被人剪開左, 傷口仍有血水滲出, 當我為牠清潔時, 牠表現得無晒心機又發出可憐的聲音, 情緒非常低落, 叫佢又唔彩. 當時我見到個傷口真係非常傷心難過. 於是我就打電話去間寵物美容店到問佢地如何處理及會否賠償, 而上址職員話最多只可以賠不多於一次的美容錢 (即係最多$330) 其他一律不會賠償!!!
這件事我非常十分之憤怒, 並且無法接受這種答覆!
本人之前上網睇 “XX房 DogXXXX”網址時, 強調d職員好專業, 好有愛心, 好有耐性係一間高質素的美容店, 現在我完全唔覺得.
第二日我就帶小狗去睇獸醫, 醫生話剪深少少要全身麻醉逢針, 依家個傷口有0.5cm長, 醫生話傷口永遠都唔會復完, 我隻狗就係噤俾無辜承受咗這不必要的痛苦, 這間表面高檔的寵物美容店剪一剪就令小狗條脷永遠留下不能康復的缺陷.
之後果間店話只會賠醫藥費及一次美容費, 其他不會作出賠償 (醫藥費唔駛講都要賠啦!) 雖然佢地費用貴, 門面好似高檔, 實際上處理這些事比一些便宜不起眼的美容店更差
一間噤高檔的寵物美容店
一個噤大個啲人為疏忽
造成寵物永久的缺陷
都只係會噤處理 ! 真好野!
本人在此真心地提醒所有帶寵物去寵物美容店美容的主人
希望大家想帶寵物去 “XX房 DogXXXX”美容之前
停一停 諗一諗
Detail:
http://hk.myblog.yahoo.com/jac.j ... ev=381&next=367
